排内档大把世界

猪拉多纳

　　第六场三班1200米。「御将军」评分回落至70分以下，所受压力相对减轻，如果明晚场地受到天雨影响，对佢帮忙更大，何况，跑C栏有好位配合，直接增加争胜条件。

　　从之前三季赛绩模式，每逢3月打後，此马必有攻势（就算唔赢，至少有两Q），依家踏入四月份，出击时间表已到时机。今仗排2档，出闸後应可跟住「沙纸」及「轻轻鬆鬆」，守在有利三、四位，有机会赚埋早段拖慢形势，待至直路头率先发力，随时槛赢。

　　第七场三班1650米。「大把世界」前仗跟好位有Q，前中段其实唔慢，唔係赚形势先至入到围。上场再跑却走样，归咎边瓣好？早段用多咗力切入？跟得太急及望空？经过前仗搏散咗？或是第四五六个原因，真係唔多清楚，不过，跑输当回气，算係今次赛前阿Q睇法。而今场早段会有「但求胜」、「明兴宝宝」领放，未必会好慢，排3档嘅「大把世界」，或重遇前仗环境，交得出入Q时表现，在今场够资格赢。

马会赛马节目主持 洪礼贤