羅馬防守曳大抵博過W

猪拉多纳

15/04/2012
文： 自由恒

過往每逢季尾，意甲都唔會10場開足盤，事關莊家都驚咗默契和波，不過當地近期積極打假，加上尾3嘅萊切呢輪積極搶分，令「風流波」隊數大減，球賽競爭性相對提高，暫且都未出現過不足2倍嘅和波，2.5倍以下嘅亦都唔一定開得出。


喺剛過去嘅周中快車，原先出現季內首場唔開盤嘅意甲賽事，就係周四嘅博洛尼亞主場對卡利亞里，結果足智彩唔嫁又嫁，上周日原先出晒通告，話到明唔會開盤，結果隔兩日又反口開番，和波不尋常熱到得2.3倍，不過筆者心諗開得番盤，又點會咁順攤和畀你睇，結果賽前4場不勝兼有射手迪奧華停賽嘅博洛尼亞小勝1:0，開出2.45W，算係最難估嘅戰果。

阿特蘭大對基爾禾均「細」波

今晚意甲又有一場波個和得2.45倍，就係阿特蘭大對基爾禾嘅例行公事，畀着往季就可以安心追和，但總覺得足智彩仲敢開盤嘅賽事，應該都唔似係默契波，建議買1.5倍入球細，事關雙方都有主力射手停賽，阿特蘭大就冇咗今季入15球嘅丹尼斯，基爾禾就冇咗有6球進帳嘅首席射手柏利斯亞，兩隊死晒火都唔似會多波入。（開賽時間：周日晚9：00）


至於意甲尾場羅馬主場對費倫天拿嘅大戰，競爭性明顯較大，暫列第5嘅「雌狼」有心染指前3，爭取來屆歐聯入場券，「紫百合」就排緊尾5，仍然有一定降班威脅，冇條件放軟手腳。論實力，必以近6次主場5勝嘅羅馬秤先，不過呢班波近期入得又失得，近4戰都未能保住清白之身，當中3場仲要失2球或以上，對住早前曾作客擊敗AC米蘭嘅費倫天拿，1.72倍入球大抵博過1.5倍主W。（now633及660台周一凌晨2：45直播）


足球重心：阿特蘭大（入球細）、羅馬（入球大）


馬膽推介：5場(3) 叫關快

第5場3班1650米有多匹快馬列陣，步速必快加上跑谷草B欄日馬，後上馬相對有利，「叫關快」上場改以後追跑法試出彩虹，今仗勢必照辦煮碗。