葡聯盃決賽撐賓菲加登「基」

猪拉多纳

14/04/2012
文： 力奇

接連喺歐聯同葡超都受到打擊嘅賓菲加，今晚嚟到葡聯盃決賽喺中立場迎戰實力平平嘅基維辛迪，自然係大炒番場攞個盃當安慰。贏盡實力同決心，1.65倍「讓球主勝」記得捧場！（開賽時間：周日凌晨3：45）


咪以為葡聯盃係豬頭骨，葡超賽會特別為今屆賽事撥出多達400萬歐元（約4,100萬港元）獎金分畀參賽32支球隊，其中成功殺入決賽嘅賓菲加同基維辛迪，就各自分得75萬歐元（約770萬港元），都算幾和味。事實上，今屆決賽預計入場人數將多達26,000人，如此一來，基維辛迪肯定賺到盆滿缽滿，不過對於賓菲加嚟講，最好梗係贏埋個盃以答謝擁躉支持，贏錢兼贏掌聲。


再者，賓菲加喺歐聯出局，聯賽上輪又意外不敵士砵亭，搞到依家落後畀「一哥」波圖4分，想捧盃真係唔易。唔想4大皆空？今次呢個葡聯盃自然係最就手，鬥志方面毋須懷疑，以佢哋星光熠熠嘅陣容， 要大炒近9戰只得1勝嘅基維辛迪又有幾難？

法聯盃捧里昂

另邊廂嘅法聯盃決賽，力爭4年來首個錦標嘅里昂，面對住近12場未嘗勝果嘅馬賽，論狀態同實力都高一線，里昂小讓平半，2.11倍上盤千祈咪走雞。（now714台周日凌晨3：00直播）

葡聯盃、法聯盃賽制：

兩項賽事均為決賽，以一場過分勝負，若法定時間打成平手，則需加時作賽，再和就互射12碼決勝。