AC搶「-1」打鐵趁熱

猪拉多纳

14/04/2012
文： 山度士

今季意甲競爭激烈，頭兩位球隊AC米蘭及祖雲達斯只係差一分，相信未到最後一刻都唔知邊個係王者。而本周衞冕冠軍嘅AC米蘭將主場對熱拿亞。度士對於AC米蘭可謂信心十足，實在聯賽已經去到最後直路，今場AC米蘭肯定會交出所有力求袋晒三分。對手熱拿亞實力有限，AC米蘭憑主場之利可大勝，「讓球主勝」可捧。


（now633及660周日凌晨零時直播）


AC米蘭喺歐聯撞正「地上最強」球隊巴塞隆拿，最終被踢出局都無話可說。現時AC米蘭只剩番聯賽可爭，今場又點會放過熱拿亞。留意到AC米蘭「傷停」情況已見好轉，前鋒卡斯辛奴已經擺脫病魔，教練阿里基隨時可派佢落場搏殺。惟考慮到「壞孩子」久疏戰陣狀態未足，相信麥斯盧比斯打正選機會較高。另外伊巴謙莫域、艾沙拉維及蒙達利等人近期都有好表現，今晚當然有機會大展身手。

熱拿亞殘陣作客差

熱拿亞作客成績好差，自歇冬之後聯賽作客僅取兩分，當中兩場和波嘅對手分別係護級球隊路華拿及萊切。今場面對火力強大嘅AC米蘭，熱拿亞後防好難頂得住。要留意熱拿亞有唔少主力防守球員缺陣，包括莫拉堤以及卡拿迪斯，咁搞法隨時畀AC米蘭大炒幾粒。今場主隊贏面好高，「讓球主勝」冇走雞。