利雲特「回報」巴塞 進取敲「和客」

猪拉多纳

14/04/2012

同日另一場西甲，挾聯賽10連勝氣勢嘅巴塞作客「神奇球隊」利雲特，由於利雲特今季主場戰績穩定，故賽前一般估計應係一場惡戰，不過，記得主隊之前幾季多番受巴塞恩惠，今仗或會識做讓路，但客勝只得1.7倍食之無味，不如冷敲3.7倍半全場「和客」。


（now 632周日凌晨4時直播）

上季受惠今季報恩

利雲特的特市體育場，其實都幾利巴塞，05年同去年巴塞都咁啱喺呢個球場封王，無獨有偶，當日呢兩場波都踢成1比1，巴塞提前奪冠嘅同時亦幫助利雲特護級成功，尤其是上季嗰場，巴塞可謂由頭搓到尾，全無爭勝意欲，結果賽和達致雙贏局面。因此，利雲特今場報恩都唔出奇。


另外，利雲特周中作客被尾三嘅希杭反勝，或多或少會影響士氣。相反，為達成西甲4連霸，巴塞已無退路，況且距離歐聯大戰車路士相隔4日，唔使太過留力，而持續大勇嘅美斯為同C朗爭西甲金靴亦唔會「腳軟」，預料利雲特憑地利可以頂住半場，但下半場巴塞一嚟料，佢哋就唔係咁樂觀，建議進取啲敲3.7倍嘅「和客」。