拜仁兩球在手都冇情講

猪拉多纳

03/04/2012
文： 朱楓

為搏歐聯，馬賽特別將日前場法甲延期，決心唔使懷疑，問題係呢支法國勁旅近況超頹，今晚又有主力停賽，喺歐聯8強次回合作客有兩球在手嘅德甲班霸拜仁慕尼黑，焗攻隨時輸得仲甘，一於熱捧1.59倍「讓球主勝」！（有線62及202周三凌晨2：45直播）


首回合拜仁作客以2：0輕取馬賽，睇番歐聯歷史，只有兩隊波首回合作客贏波而最終出局，可見拜仁已經9成9出線，難怪中場舒韋恩史迪加上回合疑似刻意領黃洗底，今場停賽唔使預佢。

拜仁近9次主場贏晒

雖然拜仁有兩球喺手，但其實對今仗仍然好重視，日前喺德甲作客紐倫堡，只畀列貝利踢半個鐘，更冇派新星阿拉巴落場，再睇埋拜仁近13次歐聯主場贏足12仗，對上9場喺自己地頭出擊更係贏晒，翼鋒洛賓又即將續約至2015年，你話拜仁點勒得住？


對家馬賽為專心應付歐聯，將日前對蒙彼利埃嘅法甲延至今個月11號舉行，但老實講，馬賽已9場不勝，中堅莫雷更直指出線係不可能任務。雖然馬賽今戰有門將文丹達刑滿復出，但原先坐完波監嘅中堅蘇利文尼迪亞華拉就因傷繼續缺陣，再加上輪到中場迪亞華停賽，今晚作客拜仁隨時步巴素利後塵輸其他波膽返歸！

橫數千軍

 拜仁出線無懸念


‧歐戰主場迎法軍獲8勝2和3負。

‧史上歐洲賽21次首回合作客贏波，最終僅得1次出局。

 馬賽訪德國難打

‧歐戰作客德國兵獲1勝4和2負。

‧近4次歐洲賽首回合主場輸波，最終僅得1次出線。