巴塞撳掣大交易

猪拉多纳

03/04/2012
文： SAMVO肥叔

周中歐聯八強最矚目對決一定係巴塞隆拿主場對AC米蘭，兩隊首回合悶爆互交白卷，令無數大盤客損手，次回合巴塞回師主場，唔少大盤客都怕怕，不過，今戰形勢完全唔同，預期兩隊會合演入球騷，大盤捧得過。


（有線61及201台周三凌晨2時45分直播）


巴塞隆拿首回合作客唔多肉緊，尾段淨係搓來搓去，好似唔多想贏，梗係啦，佢哋主場惡到暈，根本一早疊埋心水返魯營先搏，自然行住踢。


AC今次作客出擊，唔單止要阻止巴塞進攻，仲要爭取作客入球，咁先有機會晉級，若果好似首回合咁齋守，根本頂唔住巴塞。巴塞依家讓球半以上，個盤太誇張喇，上盤揀唔落手，甚至可小注博下盤，入球大先係投X重心。


同日拜仁慕尼黑主場對馬賽，拜仁首回合贏住兩粒，返到主場仲惡，上次主場狂數巴素利，班下盤客輸死，今次相信冇乜人敢反佢哋，預期今場仍然會有大量士哥，大盤亦可一試。

肥叔心水

AC米蘭下盤、大

拜仁慕尼黑大