紅魔撞散布力般 誓要曼城食塵

猪拉多纳

02/04/2012
文： 查理阿蛋

曼聯首循環主場2:3輸畀布力般流浪，令費Sir生日掃興嘅一幕，相信唔少曼聯球迷依然歷歷在目，今晚紅魔喺英超作客呢個仇家，以聯賽6連勝強勢絕對希望炒多幾粒報仇！撞啱爭標勁敵曼城前晚失分，紅魔仲唔踩行油趁機放甩對手咩？小妹一於撐1.92倍「讓球客勝」！（有線200及300、廣東體育周二凌晨3:00直播）

曼城前晚踢和新特蘭失分後，榜首曼聯依家以2分領先打多場嘅「藍月亮」，今晚對住下游球隊布力般，絕對係全取3分拉開領先距離嘅大好良機。雖然曼聯後防線冇咗維迪的確好大打擊，不過球隊近排表現回穩，近3場英超成功保住清白之身，季初備受質疑嘅菲爾鍾斯亦愈踢愈似樣，小妹相信佢有力取代想離隊去中國掘金嘅里奧費迪南o架！


菲爾鍾斯倒戈 朗尼係剋星


今場會倒戈上陣嘅菲爾鍾斯賽前受訪話，上季曼聯賽和佢當時効力嘅布力般後慶祝奪冠嘅場面，係佢決意離隊嘅導火線，事實上，呢位小將恨捧盃恨到流晒口水，相信對住前東家都絕對唔會手下留情！

曼聯防線夠穩陣，前線火力亦有番咁上下，復出冇耐嘅路爾斯華倫西亞同埋啞咗火一排嘅查維亞靴南迪斯都有番貨派，朗尼就仲誇張，最近17次為曼聯上陣攻入17球，近5次對布力般更加入咗4球，可以話係布力般剋星！今場對住撲救成功率全英超最低嘅布力般門將羅賓遜，想入多幾球絕對係Easy Job啦！


橫數千軍：羅賓遜撲救成功率最低


羅賓遜撲救成功率英超最低。
入球數字係聯賽前6球隊以外最多嘅一隊。

曼聯作客少輸波

近16場作客聯賽只輸過1場。

自史高斯回歸以來，聯賽得9勝1和