西維爾攻城「略」地

猪拉多纳

02/04/2012
文： 走肖

細個阿媽話，鬧你即係想你好，當時梗係扁嘴唔明啦，睇番西維爾最近嘅走勢，就記番起呢句說話嘞，佢哋自從會長迪尼度扯火鬧人後，班波當堂醒晒，加上王牌射手尼格度好番，西維爾今晚西甲主場對馬略卡，1.6倍主W要捧！（開賽時間：周二凌晨3:00）


會長暗示換血球員知驚


西維爾曾經遇上低潮，作客護級球隊希杭都輸波，於是乎會長迪尼度公開鬧人，話隊波防線鬆散，成日無厘頭失波，又點名批評回歸後冇料到嘅雷恩斯，仲話隊中有15個國腳級球員，唔明點解會踢到鹹魚咁。

跟手西維爾主場淨吞巴塞雙蛋，以為球員當迪尼度講嘅係耳邊風？錯！對上兩場西維爾先後以3:0掃低桑坦德同CF格林納達，復出嘅尼格度已經有波入，證明迪尼度鬧人暗示大清洗，至少激發到西維爾球員踢爭氣波，後衞費蘭度拿華路同史柏希斯分別停賽同養傷，照樣夠殺。


馬略卡不設防踢風流波


馬略卡近5場作客得1勝1和3負，而且對上6場未試過保持清白，依家馬略卡踢緊風流波，唔憂降班又爭唔到踢歐洲賽，唔似惡得出樣。何況近日西班牙爆發大罷工，海陸交通受到嚴重影響，作為小島球會嘅馬略卡，點樣去塞維利亞已經頭痕，備戰工作被打亂，輸波好正常。


橫數千軍：西維爾主場多波入


連盃賽在內，主場17戰得2場冇波入。
近4場3次開入球單。

馬略卡對賽旺開大

對上6次半場，打和、落後各3次。

近5次作客西維爾4次開大