布力般着火晒你冷 紅魔客大

猪拉多纳

02/04/2012
文： 蘇豪

英超今輪壓軸好戲由布力般流浪主場迎戰曼聯，「紅魔鬼」睇住曼城失分，實想贏波拋離死敵，作客都會精銳盡出狂攻對手，不過，球隊近年作客伊活公園球場冇啖好食，今場唔係想像中易贏。曼聯近十一場作客十次開大，今次玩1.57倍大盤仲着數！（有線300及200台周二凌晨3時直播）

曼城剛過去周末主場和新特蘭失兩分，曼聯全軍上下掩住半邊嘴笑，今場若能贏波即可於榜首甩開五分，奪冠機會高唱入雲。

不過，「紅魔鬼」近年作客布力般流浪戰績極曳，對上九次造訪布力般僅贏兩場，主帥費格遜都話唔知點解會咁，總之今仗絕非表面睇咁易踢，客勝熱至1.32倍，絕對唔抵玩！

曼聯防線重心里奧費迪南傷愈可候命，防守力理論上可提升，但球隊近期於客場失波頗多，所以頻頻開大，計埋聯賽及盃賽，大軍近十一場作客十仗開大，比率極高。「紅魔鬼」雖有快翼拿尼受傷休戰，但朗尼、韋碧克及查維亞靴南迪斯等箭頭都可候命，仲有路爾斯華倫西亞於右路瘋狂助攻，火力有保證。


布力般首循環贏3:2


另一邊廂布力般流浪護級再度告急，皆因主要護級對手韋根、昆士柏流浪及保頓齊齊贏波，令榜尾形勢一片混亂，所以今場硬撼曼聯一樣要搏命，唔會齋打守勢波求和。布力般之前主要靠射手耶高保爭取士哥，但另一進攻主力凱列特近期愈戰愈勇，近三場入三球，今次對住「紅魔鬼」會鬥攻。

兩軍首循環交手時，布力般流浪作客曼聯爆冷贏三比二，經過上次失利後，「紅魔鬼」決心今場報復，絕對唔會放過對手，兩隊都要搏殺，1.57倍大盤抵玩過客W