西維爾碌卡撲歐霸入場券

猪拉多纳

02/04/2012
文： 法達斯維

馬略卡最出名係乜？梗係主強客弱的特性，不過今季佢哋連「小島效應」都減弱埋，作客更加唔使恨，今晚出征塞維利亞都係冇運行，強捧西維爾主Ｗ。（周二凌晨３時開賽）

一直以來，馬略卡的「小島效應」非常強勁，令西甲列強吃盡苦頭，主勝率高企。不過，今季馬略卡飽受折騰，先有網球明星拿度撤資，教頭米高盧特立又劈炮唔撈，搵到前畢爾包主帥卡柏路斯執教，球員亦需要一段時期適應，令馬略卡變成主弱客弱。雖然在卡帥調教下漸見起色，但江山易改本性難移，馬略卡依然不改作客腳軟的特性，因此見到佢哋作客，追住來反冇衰。


馬略卡作客難偷雞


歇冬後，西維爾不但改由米高掌舵，更重召舊將雷恩斯回巢，呢兩位「皇馬人」亦係該隊復甦的關鍵。由於陣中有捷西斯拿華斯、柏洛迪等快翼，雷恩斯已轉型為進攻中場，配合尼格度同迪摩奴，打出令人賞心悅目的快速反擊，加上米高調動得宜，令佢哋頻頻搶到分。

西維爾距離歐霸參賽區域只差四分，依家只需專心應付聯賽，點會唔搏盡爭勝呢？既然「作客黃大仙」馬略卡送上門，西維爾當然笑納三分啦