阿積士「主勝」呼聲高

猪拉多纳

01/04/2012
文： 走肖

阿積士今晚喺荷甲主場對荷華高斯，1.5倍「讓球主勝」值得熱捧。雖然話阿積士王牌蘇利馬尼因傷提早收咧，好在佢哋有射手史基賀臣傷愈，足夠補番條數，家陣爭標關頭冇失分空間，主場應該夠嚼恰到慣嘅荷華高斯有餘。（now639台周日晚8:30直播）

荷華高斯近5次對賽輸晒

塞爾維亞中場蘇利馬尼因為膝部做手術今季唔使再預佢，但似乎個天都想幫阿積士，佢哋嘅冰島射手史基賀臣最近已好番，而且荷蘭右閘雲達韋爾都傷愈能夠候命，整體實力照計不降反升。更何況近期阿積士全線撻着，連盃賽7連勝攻入21球，依家佢哋落後榜首嘅阿爾克馬爾只係1分，當然唔衰得。


對家荷華高斯冇咩目標，爭踢歐洲賽唔容易，又唔似要踢附加賽護級，真係無憂無慮，鬥心同阿積士差好遠。可能因為咁，最近荷華高斯享受緊快樂足球樂趣，連盃賽近9場未試過保持清白，勁失17球，加上荷華高斯近5次對阿積士全敗，每場至少失3球，咁嘅情況唔適宜拗頸，熱捧「讓球主勝」穩陣。