唐卡發惡護級唔赦阿伯

猪拉多纳

30/03/2012
文： 麥馬拿仁

季尾波，當然揀鬥志波！包尾唐卡士打目前命懸一線，再唔爭氣來季甲組見，近期場場搏殺，表現惹人好感，上仗作客贏唔到水晶宮唔抵，今輪主場鬥伯明翰必定搶韁。伯明翰狀態麻麻，而且本季客勝率三成都唔夠，讓唔起唐卡士打，讓球主客和必揀「+1」！


（周六凌晨2時45分開賽）

伯明翰客勝率得3成

講實力，唐卡士打肯定麻麻，但季尾加入迪奧夫、比基安尼，前線把握力有所提高，而且領隊桑達斯同球員關係良好，所以班波非常團結，依家去到護級關鍵時刻，個個都好落力，上仗作客水晶宮，賽後桑帥以「癲狗」形容麾下球員，反映落力程度爆燈。事實上該仗唐軍佔盡優勢，如果把握力較佳，頭十五分鐘已可領先三、四球，最後打和一比一唔抵。今戰回歸主場，必落多兩錢肉緊同強敵死過。


伯明翰雖要爭入前六博升班，但目前形勢不俗，鬥心或不及對手，而且球隊一向不擅作客，本季十八場作客聯賽僅得五勝，比率不足三成，讓波信唔過，捧「讓球主勝」。