AZ主場強勁 唔驚蝙蝠兵

猪拉多纳

29/03/2012
文： 查理阿蛋

唔少球迷都有鋤強扶弱嘅心態，小妹都唔例外，有時見住啲被睇低一線嘅球隊贏波，真係覺得特別興奮o架！就好似今晚場「荷甲一哥」阿爾克馬爾迎戰西班牙華倫西亞嘅歐霸盃8強首回合戰咁，論名氣客軍一定大啲，不過講今季表現，AZ主場可以話係所向無敵，平手盤當然捧1.92倍AZ啦！（有線64及204周五凌晨3：05直播）

華倫歐戰作客麻麻

阿爾克馬爾今季表現最突出嘅並唔係荷蘭土炮，而係一眾外援好似美國前鋒艾迪杜里及瑞典中場拉斯慕斯伊姆等等，呢兩位攻擊手今季聯賽分別入咗10球之多！嚟到歐洲賽場，嚟自比利時嘅馬頓馬田斯表現亦相當出眾，要同「蝙蝠兵團」華倫嘅神射手蘇爾達杜駁火，一啲都唔輸蝕o架。


再睇埋AZ今季主場戰績，佢哋唔止聯賽保持不敗，喺歐霸盃更錄得5勝2和佳績，要鬥今屆歐戰作客贏過1場咁大把嘅華倫，又使乜驚先？阿軍守將摩辛達賽前都話只要喺主場攞到好成績，就咩都有可能，小妹絕對拭目以待呀！