西維爾作客冇攻「細」

猪拉多纳

22/03/2012
文： 走肖

有槍冇子彈絕對係西維爾嘅寫照，最近佢哋因為射手尼格度養傷火力大減，近6場更加有5場開入球細，桑坦德今晚喺西甲主場對西維爾，睇怕好難開入球騷，簡單啲玩1.57倍入球細好過。（now632台周五凌晨3:00直播）


自從尼格度因傷缺席上個月西班牙國家隊嘅比賽後，佢就一直處於養傷狀態，最慘係佢前鋒拍檔簡路迪都係好番冇耐，日前對巴塞隆拿復出，但由於狀態唔夠，結果都係入唔到波，連帶西維爾近6場正式比賽有5場開入球細，依家火力唔夠仲要作客，唔似肯玩對攻。

桑坦德9場聯賽未贏過

桑坦德近況更閉翳，對上9場聯賽得4和5負，前線基本上只係靠射手史杜安尼入波，加上新教練施維拉櫈都未坐暖，中場馬高斯古朗同後衞法蘭西斯佩雷斯停賽，相信好難撻得着。雖然兩隊近5次對賽有4次開入球大，但足智彩入球大高開2.25倍超級好分，反而入球細得1.57倍，照跟應該冇衰。