畢爾包上盤添食

猪拉多纳

18/03/2012
文： SAMVO肥叔

西甲已成歐洲最高水平賽事，畢爾包於歐霸盃技術性擊倒曼聯，踢到成隊巴塞咁，晉級絕非符碌，今晚聯賽主場對華倫西亞，馬會同外國莊家開畢爾包小讓平半合理，畢爾包有望再下一城！（now 632周一凌晨1時直播）


畢爾包以往只係西甲中游分子，但近年愈搞愈好，依家已經成為國內前列球隊之一，出到歐洲賽表現一樣對辦，對住曼聯兩回合都有理想發揮。雖然有人話只係「紅魔鬼」無心爭盃，不過肥叔有睇場波，畢爾包踢得非常好，直頭好似歐洲頂級球隊咁款，就算曼聯搏盡都未必贏到。畢爾包依家勢頭好，今次主場對華倫未驚過，讓波照捧上盤。

紐卡素捉「金絲雀」

同日英超賽事紐卡素主場對諾域治，捧主隊！紐卡素今季踢落明顯進步咗，特別於主場保持穩定發揮，近期戰績稍有滑落，相信只係輕微調整，以球隊現時人腳，絕對有條件爭來屆歐洲賽入場券。諾域治今季唔愁降班，基本上已經完成任務，下半季輕輕鬆鬆捱到季尾就可完成目標，不過「金絲雀」戰意唔算好，今場受讓都唔信。


跟住講吓波經先，歐霸盃之前有幾支名牌球隊本來好有睇頭，肥叔都有捱夜睇波，不過隨住曼市雙雄出局，難免會影響票房，隨時打回原形。另外，好多人都問肥叔賭波秘訣，好似Peter黃金句話齋，贏唔到都唔好輸，最緊要淡定咁先有錢剩！

肥叔心水

曼聯 上盤


史浩克04 上盤

紐卡素 上盤

利物浦 上盤

畢爾包 上盤