紅軍爭盃賽雙冠大想頭

猪拉多纳

18/03/2012
文： 笛子波童

周一凌晨另一場英格蘭足總盃八強戰，「紅軍」利物浦主場鬥史篤城，紅軍聯賽爭入前四機會渺茫，足總盃係佢哋今季餘下唯一目標，可惜呢班波難脫海鮮味，面對同級隊伍主W僅得1.29倍唔抵玩，主隊防線缺少丹尼爾艾格及格連莊臣有漏洞，波童建議捧1.88倍大盤仲穩陣。


（now 671及672周一凌晨零時直播）


利物浦自從贏得英聯盃及下屆歐霸盃入場券，鬥心明顯鬆懈咗，聯賽接連不敵阿仙奴、新特蘭，想踢下屆歐聯機會已經愈來愈渺茫，反而爭做盃賽雙料冠軍仲實際。紅軍上周中於打吡戰大勝愛華頓三比○，正好為今場足總盃打下一支強心針，隊長謝拉特連中三元腳風順，前鋒安祖卡路爾亦急需入波證明自己，前線球員夠晒飢渴感。

史篤城冇後顧鬥攻

不過紅軍今仗繼續缺少丹尼爾艾格、格連莊臣兩名正選後衞，唔排除會被史篤城偷到雞，始終史篤城嗰種簡單、壓迫性踢法曾經令唔少強隊吃盡苦頭，以紅軍今季主場不足四成嘅勝出率，主W僅得1.29倍實在唔抵玩。


雙方季初曾在英聯盃十六強碰頭，當時利物浦作客以二比一淘汰對手，今次再在盃賽碰頭，彼此亦冇聯賽後顧之憂，相信大家都會踢得較進取，大盤值得支持。