AC 帕爾馬做細界

猪拉多纳

17/03/2012
文： 朱楓

近期喺意甲贏到開巷嘅AC米蘭，今晚作客帕爾馬有多名主力倦勤，又要分心嚟緊周中意盃4強，對住要爭分護級嘅帕爾馬隨時老鼠拉龜，朱楓寧捧1.78倍入球細！（now633台及中央5台周日凌晨1:00直播）

AC留力周中意盃

趁住祖記近期跌watt，近5場聯賽贏足4場嘅AC米蘭目前喺榜首已有4分優勢，不過「紅黑兵團」喺今晚對帕爾馬前，卻先後證實前鋒羅賓奴同右閘阿比迪養傷缺陣，中堅麥薩斯亦要停賽，加埋一大籮傷兵，搞到要搵狀態大不如前嘅阿古蘭尼擔正，再睇AC嚟緊周中仲要應付意盃4強作客祖記嘅大戰，試問今場又點敢亂攻？


早前換上鄧納東尼執教嘅帕爾馬，近況依然冇乜起色，已6場不勝，目前距離護級安全線僅剩6分，不過會長加拉迪今晚竟然叫班球員用平常心備戰，朱楓覺得呢番話反而令班球員更加專注，再睇埋帕爾馬近4次主場對AC全部開細，呢場再追細盤唔係無道理架！