韋根唔掂平手揀西布朗

猪拉多纳

17/03/2012
文： 張志德

有啲球隊好怪，主場成績差過作客，好多人會話佢哋打假波、係搵食球隊，但呢樣嘢完全係攞嚟講，細鬼認為係同打法有關。呢啲球隊多數守強於攻，擅長打反擊，下風波畀人壓住打冇問題，相反要佢哋主攻就冇板斧入波，最後偷雞唔到蝕把米。




今晚英超韋根主場對西布朗，兩軍都係作客成績仲好過主場，其中西布朗更誇張，主場攞得14分，相反作客就有21分，足足多過主場1/3，近7場就攞咗13分，今場作客鬥韋根雖有主力奧丹維治受傷缺陣，但多蘭斯等攻擊手腳風順，唔怕冇波入。（有線301及201台周六晚11時直播）




其實細鬼覺得韋根領隊馬天尼斯幾有料，但班波冇錢冇名氣，本季初賣走尼索比亞後都冇補入實力球員，依家排包尾都冇辦法。




韋根本季主場聯賽14戰贏得1場，勝率僅得7%，計打法，西布朗實在有板有眼得多，相反韋根就一味靠湧，平手盤必捧客軍。




張志德




本港至型足球明星，519入波功臣，現為有線電視台柱級資深講波佬，人稱鬼Sir。鬼Sir睇波有乜獨到見解，毫無保留話晒你知。