鳳凰展翅強襲墨爾本

猪拉多纳

16/03/2012
文： 立民

今日澳職墨爾本勝利主場對威靈頓鳳凰，勝利已緣盡季後賽，戰意令人懷疑，而且防守一塌糊塗，集多個不利因素於一身。鳳凰仲要爭聯賽頭兩位，前鋒伊菲爾腳風好順，故此小弟睇好鳳凰能夠力保不敗，鳳凰受讓平半，下盤值博。（有線64及204台周五下午5時直播）




墨爾本勝利今季成績差強人意，衰在防守差，最近五場比賽有失波之餘，兼只得一勝一和三負劣績，令人失望。雖然陣中球星基維爾同靴南迪斯都有表現，但都唔可以靠死佢兩個去幫球隊贏波o架！反而鳳凰今季積極改善作客問題，後防踢得落力之餘，前鋒伊菲爾腳風幾順，今季已取得七個入球，鳳凰今場應可再下一城。


坎培拉下季想玩


另外，「一雞死、一雞鳴」可以話係世事嘅循環，當一件事發展到極至地步時，就往往會有出人意表發展。大家唔好誤會，想講嘅唔係乜「黑金飯局」，只係澳職下季嘅發展啫！話說黃金海岸聯班主彭爾馬畀人「釘牌」後繼續搞事，佢同澳洲足總勢成水火，睇嚟亦冇彎轉。我原本以為下季大有機會會剩番九隊波時候，忽然有風吹指坎培拉下季重返澳職喎！當地傳媒認為，坎培拉係最好嘅「澳職及時雨」。老老實實，我最關注反而係下季可唔可以齊腳開波，若果只得單數球隊參賽，好難編賽程，好似上年咁十一隊，賽程安排幾混亂吓。




立民推介：墨爾本勝利 Vs 威靈頓鳳凰　　鳳凰（下盤）




立見澳職




phone波熱線：1831 678

電郵：soccer64@cabletv.com.hk

「球盤龍門陣」開放時間：晚上10:30至晚上11:50