自由盃餓搶祖餐

猪拉多纳

15/03/2012
文： 法達斯維

明早又有兩場南美自由盃分組賽，A組山度士作客秘魯祖安奧列治值得留意。山度士出閘脫腳，遇着同組最弱球隊務必爭勝搶三分，首選入球大。




（周五早上6時45分開賽）




作為上屆自由盃盟主，山度士首仗即落筆打三更輸畀玻利維亞強者，好在次輪「巴甲打吡」戰勝國際體育會，現時兩戰僅得三分，由於國體會及強者已得六分但多踢一場，所以山度士今場可謂不容有失。




事實上，由於巴甲發展興旺，令山度士有財力留住尼馬、甘素、艾蘭奴等骨幹，實力絕對有保證，在州聯賽表現對辦，今仗作客都冇有怕。


祖安奧列治唔夠班


山度士去年尾世冠盃決賽慘敗畀巴塞隆拿，令尼馬一直耿耿於懷，佢曾與美斯相約，要在年尾世冠盃再決高下，首要條件當然係要蟬聯自由盃，對於好勝嘅尼馬嚟講，今場鬥心唔需要懷疑。




相反，祖安奧列治近期輸多贏少，分組賽兩戰皆北排包尾，聯賽多場不勝，今輪主場出戰都唔幫得幾多，此消彼長下，捧入球大最穩陣，另可吼埋「讓球客勝」。

好久没做猪