車仔撻番着威畀「里」睇

猪拉多纳

14/03/2012
文： 阿占

足球場上有乜係冇可能？上星期睇住阿仙奴幾乎絕地反擊成功，相信可以畀車路士借鏡，事關車仔喺歐聯16強首回合只落後拿玻里1:3，今晚返到史丹福橋贏2:0都夠出線，看守領隊迪馬堤奧亦想贏番場有說服力嘅比賽省招牌，1.66倍主勝一定要捧！（有線62、64、202、204及中央5台周四凌晨3:45直播）




車路士睇見阿仙奴首回合先輸4粒、返到主場都贏番3球，幾乎可以創造奇迹，照道理，自己都只係落後兩球兼有作客入波喺手，點都冇可能放棄，肯定會激起球員不成功便成仁嘅無比決心，只要肯搶肯搏，以「藍戰士」今季喺史丹福橋踢歐聯3戰全勝、入10球兼不失嘅超勁戰績，絕對有把握平反敗局。




查實以現時個形勢，對車路士看守領隊迪馬堤奧嚟講都好着數，若果出局，大家只會怪保亞斯之前帶得衰，但若果迪馬堤奧幫到車路士起死回生，話唔定「油王」會畀佢坐正，到時就真係飛上枝頭！況且「車仔」換帥後有番生氣，畀人感覺係團結咗，有利集中精神比賽。


拿玻里歐戰經驗不足


至於意甲勁旅拿玻里，今屆嘅佳作的確唔少，分組賽淘汰曼城已經唔簡單，首回合贏車路士亦夠說服力，不過呢隊波歐聯經驗始終唔多，雖然有兩球喺手，但今晚作戰心態有可能都係十五十六，究竟係保守啲守埋佢，抑或有理冇理踢番最擅長嘅進攻足球？咁樣同盡地一鋪目標明確嘅車路士相比，拿玻里今場肯定輸蝕。




首回合：車客負1:3




頂占筍盤：車路士（主勝）

有線球彩台主持阿占

電郵：soccer64@cabletv.com.hk 

PHONE波熱線：1831 678

「球彩俱樂部」開放時間：周三晚10:30至11:45

好久没做猪