艦隊布陣圍剿陸軍

猪拉多纳

14/03/2012
文： 法達斯維

今晚歐聯十六強次回合爆發「海陸大戰」，「銀河艦隊」皇家馬德里主場再鬥莫斯科中央陸軍，由於皇馬手握一個作客入球，今仗真係你急佢唔急。呢場馬會「讓球主客和」讓到兩球，以皇馬教練莫連奴嘅穩陣作風，未必好似聯賽咁喪攻，贏兩球夠數，可吼4.1倍「讓球和」。




兩軍首回合各一平手論形勢，皇馬呢場唔失波都可以晉級，但話晒都喺巴拿貝作戰，佢哋點會求和出線呢？問題係皇馬會唔會大屠殺。


皇馬搶完「燕梳球」必縮


一向視防守如命嘅莫連奴，深知踏入淘汰賽變數太多，每次都特別謹慎，最好係以不失球為大前提咁贏波，預計皇馬一開波會盡快爭取兩個「燕梳球」，然後舒舒服服搓到完場。




雖然賓施馬已傷愈，但莫連奴為穩陣起見，預料會讓佢先任後備，加上迪馬利亞繼續倦勤，或多或少會影響攻力。




首回合得嚴寒之助，中央陸軍都要到補時先扳平，表現唔算突出。剛開鑼嘅俄超次循環，佢哋嘅日本球星本田圭佑終於復出，點知冇耐又傷出，好可能係舊患復發，今仗上陣成疑。今次殘兵來到巴拿貝，都係防守行先打反擊，既然係咁，博皇馬小勝兩球最啱數。


歐聯密碼


0 中央陸軍分組賽作客1勝2和0負，保持不敗

1 莫連奴09/10年執教國米贏歐聯，8強戰兩回合均以1:0擊敗中央陸軍

8 皇馬過去9次主場對俄羅斯球隊8場不敗

20 皇馬21次首回合打和嘅歐洲賽事，次回合贏咗20次

好久没做猪