銀河-1送佢一程

猪拉多纳

14/03/2012
文： 巨高

中北美洲冠軍盃八強次回合，周四早上演兩仗。其中「美職打吡」由上季美職盟主洛杉磯銀河主場對ＦＣ多倫多。首回合兩隊打和二比二，今次輪到銀河主場，相信對佢哋爭勝闖四強會有好大幫助。巨高認為銀河可輕取對手，1.9倍「讓球主勝」捧得過。（周四早上10時開賽）




洛杉磯銀河剛於美職開鑼日，以一比三不敵皇家鹽湖城。但大家要知道鹽湖城係爭標強隊之一，上季更打入季後賽四強，銀河喺季初輸畀一支有實力嘅球隊根本唔出奇。今次喺中冠盃遇到東岸魚腩ＦＣ多倫多，相信銀河唔會咁失威。




其實美職存有地區差異，東岸球隊級數明顯及唔上西岸，今次ＦＣ多倫多冇咗主場撐腰，好難對星光熠熠嘅銀河構成威脅。


多軍要追兩作客入球


因賽期關係ＦＣ多倫多喺美職尚未有比賽，近期只有中冠盃係正式比賽。喺比賽不足嘅情況下，狀態成為ＦＣ多倫多最大疑點。




另外，加拿大球隊蝕緊兩個作客入球，要晉級就一定要贏波或者以大比數打和，形勢說明ＦＣ多倫多今場要焗攻，相對令防線出現更多漏洞，對於銀河喺主場贏番一仗就更加有利。

好久没做猪