拜仁圍剿巴素利

猪拉多纳

13/03/2012
文： 朱楓

踢波有時講道氣！德國勁旅拜仁慕尼黑啱啱大炒賀芬咸，家陣士氣同信心可謂返晒嚟，而且幾名報稱受傷嘅主力都冇事、歐聯主場戰績又勁，今晚喺歐聯16強次回合主場對瑞士球隊巴素利，朱楓睇好拜仁可以做多次好「仁」，贏波收復首回合失地，捧1.52倍「讓球主勝」！（有線61及201周三凌晨3:45直播）


首回合拜仁作客巴素利浪費多個入波「餐士」，輸波實在唔怪得人，好彩最後只係僅輸0:1，今晚只要贏2球就可以反勝晉級，出線形勢唔算太差。呢支德甲班霸日前喺德甲出戰賀芬咸，本來被估計會就住踢，點知最後竟然大勝7:1，可以話為今晚對巴素利呢場大戰前打下一支強心針。

歐聯主勝率高達92%

雖然拜仁喺賽後傳出該仗連中三元嘅馬里奧高美斯、洛賓同後衞謝路美保定都有傷，好彩之後都證實無咩大礙，預計今晚全部可以繼續擔正，何況養傷多時嘅舒韋恩史迪加上場都復出後備上陣38分鐘，今晚可以隨時落場，成為一路奇兵，牌面佔晒上風。再睇埋拜仁近12場歐聯主場賽事錄得11勝，勝率高達92%，今晚只要發揮正常水準，要平反首回合落後1球失地絕對唔難。


由於首回合贏拜仁，巴素利今晚只要和波就可以出線，但正所謂久守必失，呢支瑞士球隊今晚想和波捱到尾絕對唔易，事實上Check埋啲陳年數據，巴素利歷嚟喺歐洲賽作客德國球隊處於下風，得1勝2和3負，今晚作客安聯球場想偷多次雞？睇嚟難過中XXX喎！


首回合：拜客負0:1

橫數千軍

拜仁主場專恰瑞士球隊

史上3次主場對瑞士球隊錄得全勝。

史上5次喺淘汰賽首回合作客輸0:1，有4次成功反勝出線。

巴素利往績輸條街

近4次交手得1勝3負。

史上17次歐洲賽淘汰賽首回合主場先贏波，最後有13次成功出線。