潛艇六分波搏甩髀

猪拉多纳

12/03/2012
文： 法達維斯

今晚西甲獨腳戲，「黃色潛艇」維拉利爾主場惡鬥基達菲。兩軍現時都在榜尾徘徊，為護級一定搏甩髀，希望盡快搶夠分上岸。但實力上維拉利爾稍勝一籌，捧1.8倍主W。


（周二凌晨4時開賽）


今季維拉利爾搞到如斯田地，都歸咎於季初要出戰歐聯。因為以「黃色潛艇」嘅兵力，要應付三條戰線實在太沉重，加上有基奧斯比羅斯重創長抖，佢哋三線潰敗屬意料中事，只係估唔到被捲入護級漩渦。有切爾達為歐聯而降班嘅前車之鑑，維拉利爾亦唔敢怠慢，季中提升B隊教練摩連拿代替加列度救火，由於佢對內部非常了解，因此火速融入球隊。

同基達菲死過

作為前拉科魯尼亞冠軍門神，摩連拿深知維拉利爾嘅問題唔係實力不濟，而係冇信心，佢先復用老將辛拿，配合保查華利路坐鎮中場穩定軍心，對轉會不成嘅尼爾馬予以重用，信心漸復令佢哋重返正軌，上仗尾段被薩拉戈薩反勝實屬欠運，今仗會更加小心。維拉利爾現只差基達菲兩分，仲唔趁機搶分拉對方落水，加上基達菲近況麻麻，呢場護級六分波，我推介恢復元氣嘅「黃色潛艇」主W。