聖日耳門再戰迪安細難停

猪拉多纳

11/03/2012
文： ComboKing

今日阿King集中研究法甲聯賽，兩支爭標勁旅分途出擊，聖日耳門作客鬥迪安隨時煲魚生粥，首選細盤；蒙彼利埃有射手基奧特波監刑滿復出，主場有力挫卡昂；再串埋雷恩主W，3串1過關有4.1倍分頭算唔錯。


聖日耳門、迪安上月曾在法足盃十六強碰頭，當時聖日耳門憑利尼一箭定江山擊敗迪安。今次再度交手正值聯賽爭標關鍵時刻，聖日耳門更加唔會鬆懈，不過迪安上周主場打和另一爭標分子蒙彼利埃一比一，領先之下幾乎令對手全失三分，表現獲好評，預料可給予聖日耳門一定壓力，考慮到上次聖日耳門都係小勝一粒，今場捧細盤仲穩陣。

蒙彼利埃爭標碌爆「卡」

同晚另一場較遲開波嘅比賽亦關乎榜首形勢，蒙彼利埃主場鬥卡昂，蒙彼利埃上場作客被迪安逼和，某程度上跟射手基奧特停賽有關，今場呢名法國國腳刑滿復出，加上有主場之利，應可殺敗卡昂全取三分，主W可捧。最後雷恩主場鬥歐塞爾，雷恩仍有機會爭奪來屆歐聯入場券，歐塞爾聯賽作客未贏過，撐主W啱數。