巴塞美斯着火桑坦德大鑊

猪拉多纳

11/03/2012
文： 法達斯維

今晚西甲輪到巴塞隆拿出場，佢哋作客對護級勢危嘅桑坦德。巴塞近期連場「大」戰，美斯上周中歐聯個人獨建五功嘅神級演出，證明該隊嘅新進攻模式逐漸成熟，面對態沉嘅桑坦德唔會手軟，一於追入球大。


（now 632周一凌晨１時直播）


先講桑坦德，無論係季初由「防守大師」古柏領軍，還是之前嘅桑干沙利斯，該隊都冇乜起色，雖然剛宣布再次易帥，由前維爾瓦主帥沙爾貝拉接手，但睇嚟短期內幫助唔大。一支仍以三十六歲老將梅里迪斯為進攻核心嘅球隊，你能對佢哋有乜嘢期望呢？最慘係當呢位隊長缺陣時，桑坦德變得群龍無首，咁樣嘅病貓，真係人見人反。

碧基停賽 巴塞照攻

或者巴塞今季作客成績曳，會令球迷對呢隊「地上最強」有所保留，但球隊總有高低潮，好似美斯咁，前排腳風唔順，愈入唔到波就愈躁，間接令巴塞跌入低谷。


人唔可以繃得太緊，上仗聯賽美斯停賽，令佢難得休息，結果上周中歐聯復出，球王有如猛虎出柙，「五福臨門」震驚全球。有一個身心健康嘅美斯令巴塞戰鬥力暴升，雖然碧基停賽，但預計主帥哥迪奧拿會變陣踢三四三陣式，今場入球一樣唔會少，捧大有1.48倍抵玩過客Ｗ。如果仍覺賠率太奀，索性買美斯首名入球，當旺要跟。