蒙彼利埃殺迪冇難度

猪拉多纳

03/03/2012
文： 笛子波童

法甲榜首隊伍蒙彼利埃歇冬後愈戰愈勇，近九仗只有爭標對手巴黎聖日耳門能阻其去路，今輪蒙彼利埃作客鬥下游球隊迪安，以此強勢小讓平半，上盤值得支持。（周日凌晨2時開賽）




蒙彼利埃近期氣勢一時無兩，連盃賽在內對上九場八勝一和，唯一和波係作客撼聖日耳門，表現極具說服力。蒙軍今季成績大躍進，目前於射手榜領先嘅基奧特居功至偉，呢名國家隊新貴周中代表法國鬥德國有一球進帳，腳風大順，配合連續兩場有士哥嘅烏達卡、以及近四仗入三球嘅貝漢達，呢個進攻鐵三角絕對係入波保證。


迪安少大敗吼埋「讓球和」


迪安目前排聯賽榜十五位，領先降班區尾三南錫僅三分，仍需搶分護級，不過佢哋今季聯賽對聖日耳門、里爾、聖伊天、馬賽、里昂等前列強隊全部落敗，首循環作客蒙彼利埃亦大敗三比五，擺明唔同級數，唯一慶幸係佢哋近期輸波甚少大敗，如果大家嫌捧上盤賠率低，可以小敲3.65倍「讓球和」。


南錫受讓搵「里」着數


另外兩場法甲推介，里昂作客鬥南錫，里昂爭奪聯賽冠軍機會渺茫，餘下球季料會集中火力爭盃賽，球隊下周中歐聯將要作客塞浦路斯尼西科亞，首回合里昂只領先一球，次回合不容放軟手腳，今場隨時留有一手。南錫陷入降班漩渦，主場出擊必拚盡搶分，捧「讓球主勝」。而直播場次馬賽主場對圖盧茲，馬賽近期主場演出一般，就算贏波都有拖泥帶水感覺，圖盧茲兩連勝似有回勇迹象，今場捧細盤。




（now 714周日凌晨2時直播）