布城５連大遇貴人

猪拉多纳

03/03/2012
文： 法達斯維

法達斯維首次同讀者見面，其實我個名係由四位球星名字組成，邊四個？等我賣個關子先。小弟初試啼聲，當然要整份見面禮畀大家，是日推介英冠葉士域治主場迎戰布里斯托城，買大好路。




（周六晚11時開賽）


葉士域治入得失得


布里斯托城今季黑過墨斗，尤其是作客，近八仗輸七場，全無反抗之力，睇見都唔開胃，難怪排尾四。相反葉士域治近期表現回勇，其入球數字亦相當可觀，特別係前卡迪夫城射手祖柏近五戰有五球進帳，直接為葉軍帶來四場勝仗。




當然該隊有前無後打死罷就打法，令後防中門大開，以近十場為例，葉士域治得失球達十八比十九，遇着不設防、五連大嘅布城，相信都係一場入球騷，1.75倍嘅大咪嫌少。