獅吼大胃口嚼埋雄心

猪拉多纳

02/03/2012
文： 立民

近日香港天氣忽冷忽熱，一唔小心就好容易惹到感冒，開講都有話：「天有不測之風雲」，強如天文台都唔係咁易捉到路啦！




講起捉路，我哋有線球彩台一向有個「大激鬥」環節，由各位兄弟姊妹互鬥心水準繩程度。今個月小弟自問表現已經唔錯，以勝出百分比計合格有餘，紙上盈利都唔錯。但比起「球彩全女打」嘅「車車」同另一兄弟「阿健」，就好似「錢七」同「跑車」鬥跑咁，就算我點踩油門都係食塵！鍾意捉路嘅朋友，不妨留意一下。


兩軍射手鬥數胡


至於澳職，就要留意近態回勇嘅布里斯班獅吼！球隊自從有「萊恩河魔術師」之稱嘅德國中場布萊治復出後，加上射手貝利沙不斷入波，已經錄得5勝1和1負佳績。可惜布萊治近兩星期有傷在身，今場可唔可以上陣仍係未知之數。但就近況睇，獅吼呢場主場出擊對墨爾本雄心，應該贏得。




不過主勝賠率冇乜分頭，我反而鍾意入球大多啲。一來獅吼前鋒貝利沙着晒火，尼高斯亦可分擔進攻重責。作客嘅雄心打反擊亦有料到，伊利巴巴積身形高大，腳下功夫唔錯，有機會突圍；巴西中場費列特歷高復出，能為雄心增添後上入波能力。難得兩隊首席射手近排都當旺，一於捧大，睇睇今次推介可唔可以四連中啦！


立民推介


布里斯班獅吼 Vs 墨爾本雄心




入球大

phone波熱線：1831 678

電郵：soccer64@cabletv.com.hk

「球盤龍門陣」開放時間：晚上10:30至晚上11:50