南韓科威特大手交易

猪拉多纳

29/02/2012
文： 蘇豪

世界盃外圍賽亞洲區廿強賽最後一輪賽事展開，B組一哥南韓主場對科威特，南韓未穩奪出線席位，今場唔輸得，科威特一定要贏先可以打入十強賽，作客焗攻，後防實有大把空位，隨時大敗收場，捧大！（周三晚8時開賽）




先睇B組，南韓及黎巴嫩同得十分，科威特有八分在手，黎巴嫩最後一輪對魚腩阿聯酋贏面高，南韓就同科威特打崩頭，南韓和波已可出線，但抱住呢種心態作戰好牙煙，教頭崔康熙一定會落柯打叫班兵盡力爭勝，將貫徹進取踢法。




南韓今次陣容唔算好完整，中前場靠寄誠庸同朴主永兩個外流球員擔大旗，據教頭崔康熙透露，射手李東國於操練期間表現勇猛，屬隊中危險人物，南韓人腳真係唔算好齊，但由於對手實力唔強，相信已經夠殺，主場出擊仍然值得信賴。




科威特目標非常明確，要拎三分先可出線，即使級數唔及對手，作客都要焗攻。球隊分組賽兩次作客入五球失四球，火力唔弱，但防守真係麻麻，南韓一眾攻擊球員把握力好強，有力於反擊取得士哥，科威特進退失據，分分鐘大敗收場。


泰國進步頂得住阿曼


D組除澳洲提前晉級外，二至四位都有得爭，其中泰國作客阿曼，泰國自從改由名帥舒哈化領軍後進步神速，上次主場對阿曼大勝三比○，今次作客未驚過，要「讓球客勝」！（周三下午5時30分開賽）