北愛新帥要攞威

猪拉多纳

29/02/2012
文： 法比加輝

北愛爾蘭喺上年年尾請咗新帥，佢就係有「英倫三島莫連奴」之稱嘅米高奧尼爾，呢位少帥執教數年已獲獎無數，屬有料之人，今場係佢第一次領北愛比賽，主場對挪威就算唔贏都唔想輸，一定玩主守，捧細盤。（周四凌晨3時45分開賽）


米高奧尼爾首領軍


新官上任特別肉緊，米高奧尼爾徵召廿四人大軍應付今場熱身賽，主力如史提芬戴維斯及莊尼伊雲斯都有份入選，備戰相當積極，反觀挪威只得十八人出征，態度就冇咁認真。再者，挪威兩大射手卡維同艾法臣都冇隨隊，鋒力有限，基於北愛一向守強於攻，所以加輝認為今場都唔慌多波入，建議大家捧細盤。