拿玻里鐵角火力猛捧W

猪拉多纳

26/02/2012
文： 鄭少偉

今個星期意甲壓軸戰，由當起嘅拿玻里（下圖左）主場迎戰國米，賽前有消息傳出國米已經斟緊哥迪奧拿接掌帥印，睇怕家陣仲由雲尼亞里帶隊嘅「藍黑軍」短期內都會繼續沉淪，今場都係捧當紅嘅拿玻里1.85倍主勝穩陣啲！（now633台周一凌晨3:45直播）




黑開有條路，唔順起上嚟真係頭頭碰着黑，我相信國米教頭雲尼亞里應該深深感受到呢種滋味！老實講依家嘅國米同莫連奴帶領攞三冠嗰陣嘅人腳，變動唔多，但發揮出嚟嘅威力就差天共地喇，班球員大咗一兩歲都冇咁大影響啩？




賽前西班牙嘅《馬卡報》爆料，話國米已經開出咗一份年薪達2,000萬歐元（約2.1億港元）嘅球壇史上最高年薪教頭合約畀哥迪奧拿，等佢下季嚟重振國米。換個角度睇，班主莫拉堤根本對今季都打定輸數，唔會再有乜寄望啦！


國米Uncle防線速度輸晒


事實上，睇番佢哋班波，淨係條防線都搞到雲尼亞里頭大，究竟繼續用盧斯奧拍森美爾吖，定係2揀1去夾哥度巴好呢？呢3位後防大將經驗一定老到，但撞啱啲又爆得又好氣好力嘅後生仔，演出往往就會畀年齡同體能出賣晒，加上馬爾干又傷埋，今晚作客都好惡頂。




如果大家之前有睇拿玻里贏車路士場歐聯，會唔會覺得拿維斯+咸錫+卡雲尼呢個進攻組合勁到無朋友呢？大家想像吓國米條Uncle防線今場對住呢個組合會搞成點？「亨利」真係唔敢諗，撐拿玻里得米啦！