英超「雙史」戰和氣生財

猪拉多纳

26/02/2012
文： Yennie

過去幾個月因為天氣凍嘅關係，令我所有運動節目都停晒。一向大食嘅我，喺無運動嗰幾個月足足肥咗6磅！每星期返工，我啲同事都話我愈嚟愈脹！係時候要減吓肥，忍吓口，迎接兩星期後嘅「下水禮」！




今晚英超有場「雙史」大戰，由史篤城主場迎戰史雲斯。有必殺技手榴彈戰術嘅史篤城，近期明顯跌Watt，連埋上場歐霸盃輸畀華倫西亞出局去計，近6戰得1勝5負，認真唔掂！反觀史雲斯近7場聯賽攞到3勝2和2負，仲先後砌低阿仙奴、逼和過車路士、熱刺，士氣同狀態信得過，就算實力輸蝕，相信都夠料頂住史篤城嘅手榴彈狂攻，和波值得捧場o架！


Yennie心水


史篤城（和）