阿特蘭大主場夠正氣抵撐

猪拉多纳

26/02/2012
文： SAMYO肥叔

意甲向來唔易賭，不過，今季有班波好正氣，中游分子阿特蘭大主場非常硬淨，經常都能贏盤，成為唔少大戶愛隊，今次主場對羅馬又有得受讓，絕對係筍盤，值得捧場！




（周日晚10時開賽）


羅馬客場評級低讓唔起


阿特蘭大表面睇唔多起眼，但喺主場真係好惡，今季主場聯賽淨係輸畀兩支爭標球隊AC米蘭同祖雲達斯，其餘賽事未輸過，一支中游球隊能夠保持穩定水準，真係唔簡單，難怪唔少大戶都跟實佢哋。羅馬客場評級唔高，今次讓波唔抵玩，一於捧對家！


西甲奧沙搏殺「格」


另外，西甲賽事奧沙辛拿主場對CF格蘭納達，捧主隊！奧沙辛拿上半季戰績唔錯，但踏入2012年表現稍有滑落，不過，呢班波本身質素唔差，早前曾於主場戰勝班霸巴塞隆拿，並非符碌之作，今次對住弱旅CF格蘭納達又係贏波時候！




（周一凌晨1時開賽）




西甲勁旅巴塞近期作客曳咗，依家球隊唔齊腳，戰鬥力要打折扣，今次作客馬德里體育會又係讓得多，有機會再失分，睇個款都係追唔到皇馬。