皇馬未夠喉大歎私房菜

猪拉多纳

26/02/2012
文： 法比加輝

周中踢完歐聯嘅皇家馬德里，今輪聯賽會作客戰華歷簡奴。皇馬教練莫連奴已多次表明，今季首要任務係重奪聯賽錦標，因此就算大幅領先死敵巴塞，今場都唔會鬆懈。「艦隊」近年對親華歷簡奴都交到貨，近五次對賽每場射入三球或以上，數據硬淨加輝捧大盤及「讓球客勝」。（now 632周日晚11時直播）


華歷簡奴對賽輸鑊甘


皇馬近年可謂食硬華歷簡奴，對上七次對賽全勝，堪稱係皇馬私房菜！其中最值得參考係對上五次對賽中，皇馬都能夠射入華歷簡奴三球或以上，當中包括首循環喺主場大勝六比二，足證皇馬要撕破對方大門，可謂易如反掌。




雖然皇馬今場有復出後再傷嘅迪馬利亞缺陣，而賓施馬亦因為周中傷出，今回上陣成疑；但皇馬人強馬壯，中前場人腳大把選擇，傷一兩個唔成問題。由於今場大細中位數只係2.5球，大盤非常穩陣，但若嫌賠率乏味的話，則可選擇「讓球客勝」。