廠迷噓聲招呼「猶大」

猪拉多纳

26/02/2012


當年被阿仙奴球迷稱為「猶大」嘅艾迪巴約每次倒戈兵工廠都成為焦點，熱刺領隊夏利列納對愛將充滿信心，認為佢唔會畀噓聲影響，今場一定會派佢正選上陣攻堅。




艾迪巴約効力曼城時，曾經對阿仙奴入波喪跑八十碼慶祝而被「廠迷」圍插，所以之後每逢艾迪巴約倒戈阿仙奴都如臨大敵一樣。夏利列納表示已經預咗艾迪巴約今場會被狂噓，不過從來冇諗過因此而收起佢：「我好肯定佢會好享受重返酋長球場，我相信佢可以處理球迷對佢嘅噓聲。」




另外，英國傳媒報道，早前夏利列納逃稅案雖未能成功入罪，不過負責查案嘅調查員依然可分得140萬鎊（約1,700萬港元）獎金，難怪佢哋咁多年咬住夏利叔唔肯放手啦！