史浩克殘陣捧禾堡

猪拉多纳

19/02/2012
文： 蘇斯黑柴

德甲史浩克04主場鬥禾夫斯堡，焦點當然係禾堡嘅傳奇教頭馬加夫領軍倒戈戰舊主，史浩克今仗陣容嚴重不整，加上分心歐霸盃令球員疲於奔命，遇上對佢哋瞭如指掌嘅馬加夫有失分危機，黑柴推介2.25倍禾夫斯堡「讓球客勝」。（有線61及201台周日晚10時30分直播）


馬加夫摸透史浩克


史浩克喺史堤芬斯接手後成績確有進步，目前仍有機會挑戰聯賽冠軍寶座，不過現時班底大部分都係由前教練馬加夫打造，記得首循環踢到第五輪，當時三連敗嘅禾夫斯堡面對三連勝嘅史浩克，結果禾堡馬加夫成功領軍擊敗舊主，事實上，史浩克近季面對禾堡亦輸多贏少。




史浩克近況亦下滑，近兩場聯賽先和緬恩斯再慘敗於慕遜加柏腳下，又要分心歐霸盃，三日前作客鬥捷克柏辛域陀尼亞，大部分時間落後下苦戰至逼和對手，體力損耗甚大，今仗除咗續有費文、沙治奧艾斯古迪路同賀治比養傷外，亦有三名大將賀維迪斯、鍾斯同奧保基停賽，陣容不整，面對近四場聯賽只輸過畀拜仁、表現逐步上揚嘅禾堡，主W熱到得1.55倍制唔過，建議吼對家禾夫斯堡。