迪加史卓普攬救命水泡

猪拉多纳

18/02/2012
文： RICHARD WELBING

荷甲今晚有場護級大戰，非常值得關注，包尾大幡迪加史卓普主場對尾三芬洛，迪加史卓普目前只比對手少三分，今場只要贏波便可反壓對手搶上較前位置。芬洛今季作客十戰全敗，而且又係聯賽失波最多球隊，迪加史卓普主Ｗ有1.75倍值得支持。（周日凌晨2時45分開賽）




迪加史卓普目前雖然排包尾，不過佢哋比尾三芬洛及尾二精英隊都少踢一場，而且得失球差亦較佳，所以只要今場贏波便可搶上較前位置，對日後護級信心大有幫助。




芬洛今季主、客場成績差天共地，主場曾經贏過格羅寧根、飛燕諾，又曾打和阿積士、燕豪芬等勁旅，不過作客十場竟然全部輸晒，而且淨計作客都失咗三十五球，平均每場失三球有多，作客時防線表現如此脆弱，就算最終直接降班都唔會令人意外。


往績食住芬洛


睇埋往績，迪加史卓普對上六次主場對芬洛有五勝一和絕對優勢，其中最近四次全部勝出。今季首循環碰頭，迪加史卓普在半場落後一球情況下，最終於比賽末段連入兩球反勝全取三分，心理上贏晒對手，主Ｗ係今場理想之選。