皇馬主導形細

猪拉多纳

18/02/2012
文： 巨高

西甲榜首球隊皇家馬德里今輪主場對桑坦德。以今季皇馬嘅西甲演出，要擊敗下游球隊桑坦德其實冇太大難度，勝利三分可謂「依絲執」。不過有一點要留意，就係皇馬下周中要應付歐聯十六強首回合賽事，今場對弱隊未必會去到盡，能否以大比數勝出存在隱憂。今場入球大細中位數為3.5球，細盤過2倍值得捧場。




（now 632周日凌晨3時直播）




除歐聯賽事影響到皇馬之外，於積分榜大幅度領先巴塞，亦會減低皇馬對聯賽嘅積極性。話晒同次席嘅巴塞有成10分差距，「咕臣位」夠厚當然有資格留力。




其實大家都知道教練莫連奴向來都對歐洲賽相當重視，執教波圖及國際米蘭時都捧過「大耳朵盃」，故莫帥為了歐聯而保留實力絕對唔出奇，反正皇馬已有一段時間冇贏過歐聯，相信球隊高層都希望莫連奴今季可協助球隊打破悶局。


桑坦德頂得兩嘴


面對強敵皇馬，作客嘅桑坦德肯定會全軍縮後做防務工作，情況會與去年十月中作客巴塞隆拿時一模一樣。雖然當日桑坦德都係輸波，但總入球數字都未能突破3.5球中位數。今次桑坦德可重施故技，盡量收窄皇馬進攻空間，話唔定會有意想不到嘅效果，細盤當然諗得過。