流浪變天球員冇心基

猪拉多纳

18/02/2012
文： 法比加輝

蘇超老牌班霸格拉斯哥流浪面臨破產，最新消息係球會已經召見領隊麥哥斯，商討裁走邊個高薪球星「止蝕」。據悉三名國腳級人馬麥基哥、史提芬戴維斯及韋達卡都係高薪一族，流浪好可能毫無條件咁放走佢哋，球會現時人心惶惶，士氣可謂跌穿歷史新低點。


基爾馬諾克趁火打劫


流浪內部「立立亂」，球員都準備好跳船，又點會再為球會賣命，加上流浪已因被財政接管而被扣十分，好難再同些路迪爭標，爭勝心態成疑問，所以流浪今晚主場對基爾馬諾克，出現爆冷戰果絕對唔出奇，加輝建議捧「讓球客勝」之餘，亦可冷敲9.5倍客勝，博基軍趁火打劫搶盡三分。（周六晚11時開賽）