漢諾威1.57倍W搏殺格

猪拉多纳

16/02/2012


好多球隊視歐霸盃為雞肋，但嚟到淘汰賽場合，心態上應該認真好多，當然啦，由歐聯降級落嚟嗰幾支強隊就難估啲，但整體上各球隊都會去盡爭佳績，今日阿King睇中德國漢諾威對比利時布魯日，德國球隊向來對歐洲賽態度認真，而且漢諾威狀態冒升，主W可作過關膽。（周五凌晨4時05分開賽）




漢諾威歇冬後保持四戰不敗，係除咗幾支勁旅之外，德甲表現最穩定嘅球隊。漢諾威喺分組賽同另一支比利時球隊標準列治同組，佢哋作客不敵標準列治○比二，深知作客比利時難打，所以今次三十二強首回合，漢諾威必先趁主場之利擊敗布魯日攞優勢。其實布魯日近況都唔差，但漢諾威個主W竟然開到只得1.57倍咁熱，莊家開盤露手影，一定要咗先。


特拉布宗「大」有可為


另外睇中歐霸盃另一場土耳其特拉布宗對燕豪芬，特拉布宗主場有威力，燕豪芬亦出名攻力勁，呢場要大。至於早場有場亞冠盃阿德萊德聯對印尼球隊佩斯普拉，阿德萊德聯近況一般，未必可大炒實力次一級嘅佩斯普拉，大細中位數調至「3.5」球，取細。