雙紅會仇人見面「大」火併

猪拉多纳

11/02/2012
文： 江忠德

雙紅會充滿火藥味！曼聯要為足總盃被淘汰報仇，蘇亞雷斯因「艾拉事件」停賽8場，當然要出番啖氣；與此同時，紅魔鬼要追曼城一分都唔輸得，紅軍要入前四亦不容有失，呢場好大機會上演「大龍鳳」。




曼聯連入3球追和車仔，門神迪基亞確係居功至偉，但係換個角度睇，如果唔係條防線唔掂，又邊有咁多機會畀佢大顯身手，講真佢仲後生，未完全適應英超節奏，表現一場好一場衰並唔出奇。


艾拉回防不及甩漏多


其實曼聯最大隱憂係隊長艾拉，佢成30歲仲要場場上陣，兼且不停上上落落助攻助守，真係鐵人都會散，近排好明顯回防不及成為失波漏洞，所以今場最怕前面入埋唔夠後面輸！




紅軍呢季至醒係遇強愈強，幾支強隊都輸過畀佢哋，即使作客奧脫福照樣勇往直前。杜格利殊依家用安祖卡路爾做二傳幾有效，進攻比前流暢，同曼聯鬥攻冇有怕！