賓菲加「大盤王」好路！

猪拉多纳

11/02/2012
文： ComboKing

今晚阿King會集中同大家研究兩支里斯本球隊，亦即葡超賓菲加及士砵亭。今季兩支球隊演出好唔同，賓菲加就係奪標大熱，相反士砵亭失分太多只能爭吓歐洲賽資格。本周賓菲加將於主場對國民隊，料主隊可以大炒對手，大盤可留意。




（有線155台周日凌晨4時30分直播）




賓菲加聯賽主場全捷，以國民隊嘅質素都好難篤爆呢條靚攤路。齋講大盤的話，賓菲加亦都係葡超主場嘅「大盤王」。老實講，今年賓菲加嘅走勢比起上季冠軍波圖仲好。對手國民隊主強客弱，今晚對住賓菲加都預咗慘敗，大盤可望順利開出。


士砵亭趺Watt要反


至於士砵亭，本周就會作客馬里迪莫。士砵亭喺季初就威到震，又話爭葡超又話爭歐霸盃。點知歇冬之後球員大趺Watt，完全踢唔番季初水準，今場仲要作客讓波，梗係反佢哋啦！馬里迪莫近兩場輸波全因對手太強，遇着冇牙老虎士砵亭可以威番鋪，主Ｗ有3賠以上抵玩。




最後介紹卡利亞里主場對巴勒莫，近期巴勒莫成為大盤客至愛，對住卡利亞里當然不作保留，大盤可以再追。