亞冠資格賽伊朗雙雄細不兩立

猪拉多纳

10/02/2012
文： ComboKing

今日有場亞冠盃資格賽，由兩支伊朗球隊內訌，艾斯迪格拿主場對索柏阿漢。大家踢慣踢熟，對雙方踢法可謂非常了解，而且兩隊以往交手，往績都係非常利細盤，近七次碰頭就有六次開細，今場一於搵細盤做過關重心！


兩場德乙玩「大」佢


伊朗共有四隊踢亞冠盃，艾斯迪格拿係以聯賽亞軍身份參賽，索柏阿漢則係聯賽季軍，兩隊實力可謂非常接近，近年交手都係互有勝負，而且冇乜波入，近十次碰頭有八次開細，而近七次交手有六次細，呢個數據咁強，加上今場仲要係一場過嘅淘汰賽，肯定踢得更謹慎，有利開細。




另外兩關揀德乙大盤，先講科特布斯主場對亞琛，亞琛出名作客唔掂，近十場作客都係贏得一場，科特布斯啱啱就取得主場二連勝。兩軍交手一向多波入，科特布斯近五次喺德乙主場對亞琛全部開大，今場可再追。




至於ＦＳＶ法蘭克福主場對恩高斯達特，都係揀大盤。兩隊目前排下游，今仗要全力搶分護級，和波對兩隊都冇着數，今場肯定打甩髀，由於兩隊後防都唔穩陣，預計今仗會多入球出現，一於捧大盤。