些路迪作客掃赫

猪拉多纳

08/02/2012
文： ComboKing

蘇超賽事近年水平停滯不前，名牌球隊些路迪及格拉斯哥流浪完全控制大局，今季形勢無甚變化，兩軍級數明顯超班，其中些路迪自去年十一月起進入升勢，聯賽連贏十二場，氣勢超強，今次作客赫斯可再贏，捧客勝！（周四凌晨3時45分開賽）


些路迪季初表現麻麻，一度被死敵格拉斯哥流浪拋離，不過，自去年十一月起完全上力，聯賽連續十二場贏波，包括戰勝格拉斯哥流浪及今場對手赫斯，隊中進攻主力加利賀柏、史杜基斯及森馬拉斯輪流發威，令對手防不勝防。赫斯近期喺主場表現甚佳，已保持五場不敗，但對手實力唔算強，今次對住些路迪惡唔出樣，客勝有計！

里爾遇剋星冇運行

同日法足盃十六強華倫西恩斯主場對里爾，里爾作客唔算特別叻，上圈造訪低組別球隊甘比尼踢到加時先贏，唔好睇得太高。翻查往績，里爾近五次作客華倫西恩斯未贏過，五場加埋只入一球，完全唔夠打，今場凶多吉少，華軍受讓要「讓球主勝」！另外，法甲二哥蒙彼利埃作客法乙球隊查多魯，蒙彼利埃要喺聯賽爭標，未必有心爭盃，作客讓波捧對家！