多蒙特殘陣難炒業餘殺手

猪拉多纳

07/02/2012
文： 查理阿蛋

德國非聯賽球隊基爾童話式連挫杜伊斯堡、緬恩斯等甲、乙組球隊躋身德國盃8強，今晚將迎戰德甲衞冕冠軍多蒙特，童話式盃賽之旅大有可能畫上句號，不過「蜜蜂軍團」近期受傷患困擾，難炒屢創奇迹嘅基爾，不妨冷敲2.5倍入球細啦！（無綫翡翠台及廣東體育周三凌晨3:30直播）


基爾專程去丹麥備戰


基爾來自德國北部地區聯賽，09-10年球季升上德丙後旋即降班收場，今次喺德國盃8強夢幻式迎戰多蒙特，球隊上下都興奮莫名，點知訓練場因嚴寒結冰，成班波惟有飛去丹麥集訓，誠意十足，上仗入球功臣史提夫梅拿喺賽前亦話：「上場贏到緬恩斯，證明我哋可以正面心態去迎戰每個對手。」不過客軍今季3場德國盃戰事未失過波，基爾想破蛋交差極有難度。




基爾今季主場仍然不敗，多蒙特要贏波絕對唔係話咁易，而且「蜜蜂軍團」近期受傷兵潮困擾，施雲賓達及隊長基爾亦加入十字軍名單，守將奧禾莫耶拉又要停賽，小妹預料教練高普今仗會縮番條槓留力聯賽。好彩啱啱開齋嘅烏拉圭射手巴里奧斯亦具質素，想大炒未必咁易得手，但小勝就冇難度。


德盃賽制：


今輪為8強戰，若法定時間內打成平手，則需加時作賽，再和則互射12碼決勝。