巴里奧斯跳槽失敗扮乖仔

猪拉多纳

07/02/2012


苦戰至上輪聯賽先開齋嘅多蒙特射手巴里奧斯，一直盛傳會喺冬季轉會窗加盟英超富咸，但最終轉會胎死腹中，呢位巴拉圭國腳惟有留喺「蜜蜂兵團」，繼續爭取正選。




現年二十七歲嘅巴里奧斯，今季一直爭唔到正選，多蒙特願意以大約1,200萬歐元嘅價錢出售佢，有傳曼城、車路士、禾夫斯堡、愛斯賓奴、西維爾及富咸都有意將佢收歸旗下，點知最後都未能成事。




轉會失敗後，巴里奧斯表示唔介意繼續留喺多蒙特：「其實我喺多蒙特一直好開心，但作為球員，我希望有更多上陣時間，依家我惟有更努力地操練，希望獲得更多上陣機會。」