烏甸受讓有揸拿

猪拉多纳

05/02/2012
文： 肥叔

意甲上周中快車有場入球騷，國際米蘭同巴勒莫大手交易，兩隊下半場有如不設防，好聽啲就叫大踢進攻足球娛賓，但有唔少人即時聯想到好多嘢。足球菠菜始終都係牽涉人為因素，少不免會有人從陰謀論角度猜度，到底場波有冇問題，肥叔喺度唔多講喇。




意大利近期天氣反常，不過，大戶完全掌握菠菜方向，上周中於意甲快車期贏到開巷，重心場次拉素中到應一應，最犀利係夠膽反拿玻里，結果又係喪中，唔到你唔服！事實上，踏入球季中後段賽期頻密，部分名牌球隊疲於奔命，但仍然讓得多，容易製造投X陷阱，大家都要小心。


費倫天拿飄忽難靠


講番今次重心推介，都係揀場意甲，費倫天拿主場對烏甸尼斯，捧烏甸！單睇兩隊人腳，級數應該差不多，費倫衰在水準飄忽，完全唔可靠！相比之下，烏甸發揮較穩，而且矛頭直指聯賽冠軍，目標非常明確，打落決心一定更強，受讓盤口有利，要下盤！（周日晚10時開賽）


熱拿亞有力添食


意甲頭場熱拿亞主場對拉素，捧主隊！熱拿亞聯賽戰績唔算好，反觀拉素則屬前列分子，今場莊家開平手盤，相信唔少投X人士都傾向捧拉素。不過，熱拿亞主場威力極強，近期接連擊敗烏甸尼斯及拿玻里等實力分子，真係贏到你唔信，今次有力添食！




（now 633及660周日晚7時30分直播）


肥叔心水


熱拿亞平手盤

紐卡素上盤

烏甸尼斯下盤

曼聯平手盤

科隆下盤

拿玻里下盤

華倫西亞下盤